ଏଟିଏମରୁ ୨୦୦୦ଟଙ୍କିଆ ନୋଟ ହୋଇଯିବ ଗାଏବ

NATIONAL

ନୂଆଦିଲ୍ଲୀ : ବର୍ତ୍ତମାନ ଦେଶରେ ଅଧିକାଂଶ ବ୍ୟାଙ୍କର ଏଟିଏମରୁ ୨୦୦୦ଟଙ୍କିଆ ନୋଟ ବାହାରୁଛି। କିନ୍ତୁ ଆଉ କିଛି ଦିନପରେ ବ୍ୟାଙ୍କର ଏଟିଏମରୁ ୨୦୦୦ ଟଙ୍କିଆ ନୋଟ ବାହାରିବ ନାହିଁ ବୋଲି କୁହାଯାଉଛି। ଏବେ ଧୀରେ ଧୀରେ ଏହି ୨୦୦୦ଟଙ୍କିଆ ନୋଟକୁ ବ୍ୟାଙ୍କ ଏଟିଏମରୁ କମ୍ କରିବାର ପ୍ରକ୍ରିୟା ଆରମ୍ଭ ହୋଇଥିବା ଜଣାଯାଇଛି। ରିଜର୍ଭ ବ୍ୟାଙ୍କର ନିର୍ଦ୍ଦେଶକ୍ରମେ ପ୍ରଥମେ ଏହି କାମ ଭାରତୀୟ ଷ୍ଟେଟ ବ୍ୟାଙ୍କ କରୁଥିବା ଜଣାଯାଇଛି।

loading...

ଆରବିଆଇର ନିର୍ଦ୍ଦେଶ ଅନୁସାରେ ଛୋଟ ଛୋଟ ସହରରେ ଥିବା ଏଟିଏମ ଗୁଡ଼ିକରୁ ୨୦୦୦ଟଙ୍କିଆ ନୋଟ ରହୁଥିବା ବକ୍ସକୁ ବାହାର କରାଯାଉଛି । କିନ୍ତୁ ବଡ଼ ସହରଗୁଡ଼ିକରେ ଏହି ପ୍ରକ୍ରୟାକୁ ଆରମ୍ଭ କରାଯାଇ ନଥିବା କୁହାଯାଉଛି। ୨୦୦୦ଟଙ୍କିଆ ବକ୍ସ ଜାଗାରେ ଏଟିଏମରେ ଏସବିଆଇ ୧୦୦, ୨୦୦ ଓ ୫୦୦ ଟଙ୍କିଆ ବକ୍ସ ବୃଦ୍ଧି କରୁଥିବା ଜଣାଯାଇଛି । କାଳେ ଲୋକେ ମନେ କରିବେ ଯେ ୨୦୦୦ଟଙ୍କିଆ ବନ୍ଦ ହୋଇଛି, ଏଥିଲାଗି ବ୍ୟାଙ୍କ ପକ୍ଷରୁ ଏହି କାମ ଖୁବ୍ ସତର୍କତାର ସହ କରାଯାଉଥିବା କୁହାଯାଉଛି।

Please follow and like us:
error
loading...